بداية قصتي

امي تحكي عن بداية قصتي

كانت أمي قبل ما تخلف ولدها... تبكي ياما وتِشتكي

تحكي عن قصة وجع.. تمر بيها لما شافت لما تعبت م السمع

لما قالو عنها يوم أم البنات مالهاش ولد.. خساره راجل زي أبويا يعيش حياه من غير سند

كانت دموع العين بتنزل ب الساعات... هعيش حياتي بيقولوا يا أم البنات

أبويا راضي بقسمته راضي بنصيبه... ويقول بناتي زيهم زي الولد

ولا كلمه ممكن تتسمع... عن أرض ما ليها صالح بالنبات اللي اتزَرع

كان الوحيد لما تبكي... يبقى حاسس بالوجع

ويقول خلاص... ما بلاش تذيدي... كفايه قلبي اللي اتصدع

تفكيري ياما سمعت صوته... ويجادلني كل مره من سكوته ..... من سكوته اللي اتجزع

امي بعد اربع سنين تعبت شويه... لازم نروح عند الطبيب يا ام البنيه

فجأة صوت الفحص زاد.... والطبيب قرر دخول.. قسم الجراحة

والزايده من كتر الكلام التهبت عليها

فتح الطبيب بطنك يا أم البنات... شاف الولد من جوه بطنك وراح سكات

ربنا .... ربنا كاتب نصيبك في الأزل . لازم يكون عندك يقين عندك أمل

كان سعتها عمري تلات شهور قبل الولاده.... طار ابويا من الفرح ومن السعاده

وعزم الحبايب كلهم... فقير.. وساده

فاقت ام البنات جو العياده ... قالت حاسه ضهري إنه اتسند من غير وساده

حاسة راسي طايره بيها.. وفقلبي كل نبضة زاد الدم فيها .. عرفت إن نور العين ولدها بكره.. هتشوفه قدام عنيها

ام الولاد... أم الولاد تعبت وقت الحمل بينا.. وبعد الولاده سهرت ليالي بترعينا

بكره تكبر وتعرف... يعني ايه الفضل ليها

تعمل اي حاجة.. وكل حاجة بترضيها

خافت عليا من تعب وقت الدراسة . طول الليالي لما ايدها يتقدم في طاسه

مره شكي . ومره قهوه.. ولما شافت مني الكفاح كانت أمي وصحبتي في الجد وقت المزاح

تقولي نفسي اشوفك يوم طبيبي... نفسي تبقى وقت الشده سندي.... لما أكبر وأكون شايله عصايا في ايدي 

انا نفسي اشوفك لما تكبر.. واشيل عيالك لما تصهر

نفسي اشوف الفرحة مرسومة في عنيك... واعيش اللحظة وقتِما اتباها بيك...دا نا ياما ريت... وتعبت عشان اشوفك وارفع راسي " بيك " يا رب اشفي أمي

واليوم انا فرحان بكل الأمهات.... لما ذكرة يوم بتيجي نفتكر دي ذكريات

عيد عليها بكلمة حلوه... دعوه تحس بيها إن الدنيا بين ايديها

لما تشوفك صاين لعبها.. وخايف عليها

بوس ايديها قبل وقت الموت ما يجي.... خاف عليها من تعب من غير أنين

اقفل عليها جوه قلبك طوول السنين

ودي وصية خاصة من امك بعد الزواج... إياك تفكر إن يوم بكره مراتك

اكرها ليه وهي مصدر ضحكتك بعدي في حياتك

اوعاك في يوم تنسى تعبي وذكريات تنسى ايام الطفوله والسهر عشان سكاتك

انا راضيه عنك لو في يوم قشرت ليا .. انا راضيه عنك انت قلبي ونور عنيا .. انت قلبي ونور عنيا

ازاي اقشر يوم في وشك ازاي القشر يوم في وشك

ولا اكون مصدر أنينك... فرض العبادة نفس فرض البر ليكي

سنين العمر يامْه بين اديكي