تعرفي
تعرفي
انا قبل م بشوفك تملي
برتب الاشواق ف قلبي
عشان ابوحلك باللي فيا
بس لما بشوف عنيكي بتسرق
وتحرق كل الكلام قدام عنيا
وأفضل ادور ف الحروف
والضم كلام العاشقين علشان اقوله
واسرح ف نور الشمس
حلمي بس ف يوم اطوله
علشان اجبهولك واملي تقبليه
تعرفي !
انا قبل منك كنت بسأل روحي
سؤالين وبس ازاي وليه
ازاي هتكبر وردتي وانتي بعيد
انتي الربيع اللي بستناه
وانتي المعاش والغطا ف البرد
وانتي اللي قادره بضمتك
تخديني اخد
من البشر والوجع والذكريات
وانتي الحاجات الممكنه ليا
والمستحيله ل اي حد
انتي الكلام وانتي السكات
وانتي انا وانا من تراب
فاسقيني حبك لأجل ما ينبت قلبي
ف عز هجر العاشقين ل مكان لقاهم
خليكي فيا متبته واياك تسيبي
انا كنت قبلك بشتكي الدنيا ونصيبي
دلوقتي عايش بالهوا اللي تخرجيه
تعرفي !
دلوقتي شرياني الرئيسي بتجري فيه