من غير مواعيد

البحر رصيف....

وخريف..

ومراكب مرسومة

عشقانة تغيب

وأنا قلبى باصص ليمامة

غرقانة

من غير مواعيد

موعدانى....

تجينى..

تسمينى

وتعيد تكوينى غريب

على باب الريح

متشعلق عيد

وسنين صيدانة

وحلم بعيد

وأنا شط

بلعنى الحزن الساكن فى عيون البنى آدمين

الماشيين... التايهيين

وأنا شط.. العقل فى عقلى وتاه

وصبحت غريب

وأنا شط الحب فى شطى

ومعتش برىء..

مجنون وصديق المجانين 

الكتب والشعرا المساكين

يا سنين 

بيفط فى روحى حنين

وطفل فى توته بتشرب 

من بحر ضنيين 

ونايات بتسقط حزن

وحزن بيفرح 

لما يشوفنى حزين.