نقطة ع الهامش

وان تاه الطريق منى 

وخدنى الحزن سلمنى 

لطريق مقفول 

مهيش فارقة

يروح الحزن أو يبقى 

معايا بديل 

جميل تدى وبتبالغ 

وتغلط لو تضحى بحرف 

وتحلم وانت فوق الوصف 

إنك نسخة مش قابلة إنها تِتشَف 

وغير قابلة إلى التعديل 

ف دورك نقطة ع الهامش 

أديك عايش 

ومش عايش 

هيفضل لسه فيك الحلم 

مهما العمر يتغير 

بتكبر والوجع يكبر 

ف كَملها 

آخرها زى أَوِلها 

بتمشى مهما زاد الحمل 

مين هيحس ويِشِيلها 

هتتساوى ف صورة مِعلّقَة وفكرة 

مجرد ماضى وملامح 

سايبها العمر للذكرى.