ميلاد
ف بداية الطلق
بيخرج منك تانى يسوع
من غير ما يلامسك ليل
فتهزى اليكى بجذع نخيل
يتساقط مر.. يتساقط ويل
وشموع المعبد ضى عيون
وجراح بتقيد
والمطرة دموع
تتطهر بيها قلوب الخلق
وف عز الطلق
يلتهم الوجع العشب
ويفور الجوع
ويلف العطش الغيم
فيجف الحلق.. ف نهاية الطلق
بيخرج منك ألف يهوذا
ينغلق الرول
وملف خصوبتك غلق
ويجيلك عقم
وأنا لسه وليدك
متحاش ف وريدك
ف عيونى نهارك
متحنى بعيدك
أنا لسه وليدك.. مستنى وراضى
مستنى مخاضى.. مستنى الطلق.