كتاب النيل
موﻻيا وتاج راسى
حزنك على عينى
مكتوب فى كراسى
طول عمرك مراعينى
موﻻيا نهر النور
فى آخر الشلال
تعلب حقير مأجور
بيخنق الموال
داسوا شراينى
حزنك على عينى
يا خوفى يا بكره
نبقى غثاء السيل
عينى عليك يا نيل
راح يحرموا الساحل
من سنا ضيك
يبقى إيه فاضل
من رياض طميك
واللى يبيع بالساهل
يبقى يستاهل
كل اللى يجرى له
أملى الكنانة سهامك
وأركب حصانك
وفر كلامك
لبعد الطوفان
سيف اليزن قدامك
حامى كتاب النيل
كل اللى خانوا أمانك
كان زمان خدامك
ثابت بغير تأويل
النعجة فى بيت الديب
والخنسو فى تل أبيب
بيجهزوا الأنابيب
تحلب رياض دمك
ملوك الرمال بيعين
طول عمرهم خاينين
ورد الربيع هضيع
يادمعتين فى العين
دمى انفجر ينابيع
عينى عليك يا نيل
معدش فاضل كتير
غير خطوتين جايين
أركب براق جبريل
وأعقد رباط الخيل
وأروى خضار دوحى
يا صقر حورس طير
سواعدنا طير أبابيل
مين اللى يتجبر
يخنق سنا روحى
افرد جناحاتك
حابى على حابى
واغسل جراحاتك
وأدب الملاعين
طمن أحبابى
إنك على دينك
والحق فى يمينك
الخونة بيعينك
ديما معارينك
بس إحنا موعدينك
يبفى النخيل شماريخ
وترفرف العصافير
وتخضر الوادى
نملى اﻵنانى أغانى
تبقى القلوع خية
تتبلع تعابينهم
ونبقى رعبينهم
القصة وما فيها
ترجع المية
لمجاريها.