الجمعة 24 مايو 2024
المحرر العام
محمد الباز
المحرر العام
محمد الباز

يحيى سمير كامل يكتب: مجانين الحى

مجانين
مجانين

واقف على عتبة باب الحى، 

اللى ما شفتوش

غير بالعافية من جوه ضباب

بيلف بيوته ويعصرها

فاتنزل دم 

وكلام مكتوم

بسمع صوته 

راح ييجى الضى

اللى مشفتوش 

ولكنى سمعت إنه هييجى

لما بيوت الحى تموت

مجانين الحى 

دايمًا عارفين بالظاهر والباطن 

عارفين بالسر

هما اللى قالولنا 

أن بيوت الحى 

هى السدة ع الضى 

فلا بد تموت

لكن فى بيوت الحى 

أغانى بتفرحنا لما بنبكى 

من كتر الهم 

بتفكرنا بالماضى 

اللى بنحلم نوصله 

فى الجاى.