حسين عبدالجواد يكتب: موال
الأولــــــة عيرونى إن أنا وحيد وخالى
والتانيــــــة أكتب وأوصــــــف أحوالــــــى
والتالتــــــــة فاضـــت بقلبــى أحزانـــــى
الأولة عيرونى إن أنا وحيــد وخالى
وعاشق للفنون
التانية أكتب وأوصف أحوالى
وأبعد الظنـــون
والتالتة فاضت بقلبى أحزانــــى
وأنا إيش أكون
الأولــــــة عيرونى إن أنا وحيـــــد وخالـــــى
وعاشق للفنون وفقير الحال
التانية أكتب وأوصف أحوالى
وأبعد الظنون وأضيع المال
والتالتة فاضت بقلبى أحزانــــى
وأنا إيش أكون والدمع سال
الأولة مش بإيدى دا قضا محتوم
والتانية أفكار وغضــــب وهمــــــوم
والتالتة كانت عواصف وسحب وغيوم
ويا ريت تعود أيام زمانك
وذكريات العشق والهوى عايشين عشانك
ويوم رجوعك حلم من أحلامى
ويا ريت أعرف فى يوم فين مكانك
جمالك صورة عايشة فى خيالى
وصبحت أنا تايه ومشغول بالى
وليه أيامنا وليالينا تبقى ذكرى
وإنت ومين غيرك عالم بحالى
ولا حد غيرك يقدر يسعدنى
وعلى إيه العزول كان دايمًا حاسدنى
والغنا والمزامير وحمر المواويل
ويا ريتك يا جميل قبل الهجر كنت تعاتبنى
الأولــــــة عيرونى إن أنا وحيـــــد وخالـــــى
التانية أكتب وأوصـــــف أحوالــــــى
والتالتــــــــة فاضـــت بقلبى أحزانـــــى
الأولة مش بإيدى ده قضا محتوم
والتانية أفكار وغضب وهموم
والتالتة كانت عواصف وسحب وغيوم







