الإثنين 24 يونيو 2024
المحرر العام
محمد الباز
المحرر العام
محمد الباز

محمد العواونى يكتب: أنت شاعر

شعر
شعر

 

انت شاعر مش كويس..

تنتحر وتموت! 

تريّث 

كل يوم بتضيق وتصغر..

بس بردو تلاقى حيز 

انت شاعر بس ناقصك..

تعرف المُلفت فى رَقصك 

تنتمى لجوّك وطاقسك 

تبقى شبهك مش كارينا 

انت شاعر..

ليه تجارينا!

ابتدى قبطان فـ مينا 

المحيط والبحر ملأه 

النهاية طويلة لكن..

تبتدى دايمًا بحَلقة 

انت شاعر بس صامت..

والسكوت سرطان وحُفرة 

كل ما تقابلك قصيدة 

ترلّها ف دخان وبفرة 

القصايد جوه قلبك..

وانت قلبك وحده شفرة..

هو دا آخر الطريق.. ولا دا آخر المعافرة

انت شاعر بس برضك..

لسه مش حريف ف أرضك 

انت طولك نفسه واقف..

يسترجى يكون ف عرضك 

زاهد الأشعار وراضى..

تكتفى بحالة التراضى 

تتفق وياها تشرُط.. 

كل ما اقابلِك تضيعى 

هى تبقى بعيدة وانت..

تبقى بنى آدم طبيعى 

انت شاعر بس ناسى 

تبقى شاعر باللى فاضل 

مين فى كل الخلق راسى 

كل خلق الله الأفاضل..

جوه مركب ف المحيط

فوق شريطه ع الطروف 

انت شاعر حتى لو ناسى الحروف

حتى لو فاكر وعامل.. ع الجميع إنك عبيط.