الإثنين 24 يونيو 2024
المحرر العام
محمد الباز
المحرر العام
محمد الباز

محمد الأنور عبدالجواد يكتب: ولا من هنا

كورنيش مطروح
كورنيش مطروح

لا أنا من هناك.. ولا من هنا 

ولا عُدت عارف مين أنا 

ولا حتى عارف فينه راح 

قمرى اللى ملفوف بالجراح 

وسنين ما شافت يوم هنا 

حتى الحبيب اللى ف يوم 

خدنى من قلب الهموم 

سابنى.. أبكى كل يوم 

من قلب صوتى اللى انحنى 

قلبى يا بو.. المجروحين 

إنت فين والفرح فين 

كل دقاتك حنين وابتسامك هنهنه شفت الحياة.. ولا شفتها 

وقاسيت كتير.. من ظلمها 

ورغم عمرى اللى انتهى 

أنا عشت فيه مليون سنة.