مختار الحماحمى يكتب: شفتك بتبعد

شَفتك بـ تبعد عَنّى

سَبتك على رَاحتك

زعلان أوى منّى

إكمنّى صارِحتك؟

كانت عنِـيك بتـقول

صَدّقتــها على طول

دلوقتى جاى تقـول

كَــلام مَـايعجبنِــيش! 

فاكر غرامى طيش؟ 

يبقى مــاتعــرفنيــش

مش قُـلت لَــــك إنّى

عَايزك قريب منّى

على لقمــة حلــوة نعيش

وأبقى ف هواك درويش

وإن كـــان بالك مشغول

صارحنى

ماتـخبِّيش

وبلاش كلام معسول

علشان ماتتعِــبنيـش

وكون قريب منى

يا تروح بعيد عنّى

وأقدر لوحدى أعيش.