بياعة المناديل
على جسر الشط بتاع النيل
في قصص مواويل لسه بكيسها
وحفظها البحر وغناها
على صوت الست بوساوسها
البنت دي بياعة مناديل
بالليل بتدور وتوزع ورد
فستانها الأسود شهرتها
في مكان تاني بتبيعلك ود
العين الشقيانة في سمكة
سكتها بعيدة وبتوه
والتجاعيد في إيديها خريطة
عن قصة دنيتها تموه
والنفس الطالع زي دخان
وف عز الصيف تلاقيه بردان
وفي آخر الليل يمسح إيده
بوردة بنوتة ينام شبعان
والست اللي تبيع النبقة
وحداها الفجل آخر الشارع
واقفة ومسنودة على الحيطة
تستنى يأذنوا في الجامع
فتسيب البنت اللي حداها
بتبيع الورد مع المناديل
بتصلي وتطفي الصوت اللي
في دماغها ويشبه صوته عويل
هنوكل بس عيالنا منين؟
ف يا رب اجعل الرزق اتنين
أنا واثق من كل كلامي
ومعايا دليل ..لأ دول دليلين
روح شوف الواد اللي بياخد
في علاج علشان ياخد نفسين
عمال يتحسر على عجزه
ويتلوى شمال… وشوية يمين
علشان أمه ما تشوفش دموعه
اللي بتكسر أجدعها قزاز
والصحة دي في النازل برضو
ومفيش إنسان يبقاله عكاز
أو روح اسأل بنوتة شاطرة
عينها دي نسيت إيه طعم النوم
تتمنى اليوم ينطح في اليوم
فتعدي سنين فتنام فتقوم
تلقاها دي بقيت دكتورة
أو عالمة ويمكن مشهورة
تتصور مع ناس في الصورة
والناس بالصورة يكونو فخورين
وتقوم على صوت معدة وفاضية
وعيون م الشوفة يباتوا جعانين
تتوضى فتسخد للمولى
تدعيله يا رب أنت المنان
وتفطر في عيونها الفاضية
إيمان ويقين تلبس فستان
وتفطر معدتها الفاضية
طعمية بشاي ورضا ورغيفين
هسألكوا سؤال
طب وأنتم فين؟
في القهوة اللي بتطلب فيها
طلبات تتقاس بيومين صياد
ولا في مطعم غالي في سعره
مش قابل تدفع غير بكاشات
ولا معاشات ولا جوازات؟
ولا ف عربيه تمن تصليحها
تمن توكتوك أو حتى حياة
وأهو بتصحي ضميرك
تدفع قرشين للواد شحات!
في ناس بتموت ليلة بليلة
من جوع ودموع الواد مصروع
مرمي في مستشفى عايز دكتور
والوش الزور الصبح يزور
بسمة في مستشفى ومسجونة
أنا قلت كلام لي وليكم
برأت النفس اللوامة
يمكن يصحابكم يعني ضمير
يمكن تفتكرو قميص كستور
ولا تحنوا على واد غلبان
هيكون واقف هنا عند السور
ودليل تاني أهو من عندي
روح اسأل بس حيطان السور
في واد جمبك مات هنا م الجوع؟
هتشر دموع…