ما تجيب ايديك
انا ليا فيكي ضحكة كنت رسمتها
بمحبتك
وانتي اللي كنتي بتضحكي
وانا روحي فيها ضحكتك
طب ممكن اسأل عنها؟
لو هتقوليلي روحك انت ف دنيتي
زي الخيال
هنكر واقول مش دا السؤال
انا بسألك عن ضحكتك...
ممكن انول حبة جمال؟
من فمك المنسوج بعنابي
واستقبل الافراح على بابي
لحظة ما تشبك لهفتي
عسل الشفايف يا قمر
يحلو بيها الليل واعيش
وياكِ ما
غيرك مفيش
حتى لو الشهد بهواه
جالي بيوهبلي ف مناه
مش ممكن اقبل بالعسل
وانا جنبي حتة من السما
ولا ممكن اسهر والسهر
مش جنب منك يا قمر
ولا ممكن اكتب ف الورق
كلمة تكون غيرك قليل
ولا ممكن اخرج واتسرق
غير من عيونك مستحيل
ولا ممكن اصبح وابتسم
من غير هواك يا طيف جميل
او مرة قلبي يدق يوم
ويشوف لغيرك لو
سبيل
حلو الغرام والله معاك
يلا تعالا اشتاقت ليك
حبيت اوي احساس هواك
وكتير يا روحي حلمت بيك
وندهت لك وانت هناك
وانت هنا ضميت عنيك
ووهبت لك عمري فداك
وهديت كلامي كله ليك
اشتاق اليك
انده عليك
امضي الساعات قدام عينيك
تمضي الساعات ايام كتير
واصبح واعيش
نفس المصير
باقي اللقا
باقي اللقا
والله روحي معلقة
والدنيا بيك متعلقة
وشربت صبري بالشجن
باقي عينيك
لمسة ايديك
نظرة غرام
تظهر عليك
وعيوني يملاها الفرح
يملاها شوق كل السنين
الصمت يلزم قربنا
والحضن يفتح قلبنا
والصبر يخلص ف الغنا
والحب كله يكون اليك
مستني ايه...
ما تجيب ايديك