مقاطع من كتاب الحزن
(1)
تعاتب ليه اذان الفجر
يا سارح جوا ضلمة غيط
تكابر ليه بيبان السرد
فتتجرح جدور البيت
وتخنق كل جرح حزين
فترجع للوجع تاني
أنين القلب وحداني
وكره الذات بيتكوم
قصور الوقت في النسيان
وعمري بات وعاش طفشان
بيرجع يترسم تاني
حيطان البيت معانداني
وترجع تشتكي للبيت
تعاتب ليه اذان الفجر
يا سارح جوا ضلمة غيط
(2)
وكحلى السايح اتوزع على الخدين
مابين رمشين ونتهيده تملى بتتوأد روحى
فياعيوننى تعالى لأ خلاص روحى
فمتجاوبيش
بحاجه غير حروف اللأ
درفضك خلى عرقى يطق
عشان نزفه بقى بيفرق
انا جوه خطاوى الليل بعيش العمر ندمانه
وكحلى ساح بيتوزع على الخدين
مابين رمشين أرانى بتتوءد روحى
(3)
وساكتة في قلبك النبضة
عيونك تبعد المسافات
وتردم حبنا في غمضة
اتاري الحب عدى وفات
وعايش الوقت جوانا
ما بين الذكرى والتانية
بلاش تقول..... تقول يامه
خلاص انفضت السيرة
بتأشيرة وكام شنطة
(4)
على صفحات الزمن كتبت حنين
تروي الحروف العطشانين
ترسم لقا قبل الكلام ال اتعدم جوا الضنا
تكتب هنا ، اردم أنا
تحرت ملامحها على مرتين
في قلب الحمى عاشت أنا
و عاش الانين