عدت سنة
مفروض على قلبي السكوت
عيني ملاحظة كل شئ
مش قادره تلفظ اي صوت
الخنقة دي حفظاها بالمللي
ده لأن روحي دايقة طعم الموت
متبصليش!
جايز هتعرف ازاي تشوف الدنيا
أضيق من التابوت
كان همس عقلي وقتها
قادر يسكت كل شئ
تنطق ضلوعي فتنكسر
المرة دي مش هنتصر
رعشة ايديا اعلنت اني الغريق
صاحبي الطريق
كَلْفِتْ بدايته وانتهى
يا كل أحلامي اللي انا علقتها
فضيلي مطرح عالرصيف
علميني ازاي اسرسب في البكا
لو حتى زيف!
عيني اللي خافت تنتفض
عودتني بإني اعيش فمكاني ضيف
عدت سنة
يذكرني فيها كل شئ
الا أنا
مرفوعة ايدي للسما
بطلبني قبل مأكون هنا
يارب خد مني الأذى
رجعلي روحي لينة
ف افتحلها م ضلعي شيش
تمشي متعرفنيش
تترك ايديا بس متقوليش
لو كات تغيب عني
بعديها يعني ازاي هعيش؟
عدت سنة
واليوم يمر ف جعبته أيام
وانا كل مرة عقلي يسألني
بقفل بيبانه وبروح أنام!