كأني عبرة مالحة

في وسط نهر جاري

كأن الكون بحاله

تياره ضدي ساري

غريب أنا أكون

ودا كان خياري

يمكن تقول جنون

وصعب أسيب قراري

غريق النفس تايه

في بحر ضلمة أصم

محتاج لقلبه آيه

أو حفنة من كرم

في صورة أهتمام

أو حتى أحترام

و مودة وسلام

دي نفس مش صنم

في مواقف عدت عليا

روتني منها دهر

كأني كنت ميت

وفاض في قلبي نهر

غسلت بيه جروحي

وجماله كأنه سحر

شريان لقلبي نور

أو صورة للحرم

غريبة النفوس جافت

غريبة الحياة هانت

صاحبها انتحر ساكت

وهو اللي اتحرم