عرفنا اسم مصطفى ذكرى منتصف التسعينيات، كان هو لسه ما كملش تلاتين سنة، لكن اسمه بقى زى الطبل، بعد ما اتعرض فيلمه «عفاريت الأسفلت» من إخراج أسامة فوزى. وقتها كان إنتاج فيلم عمومًا أمر شديد الصعوبة، حتى للنجوم الكبار من فنانين أو مخرجين أو كتاب، وكان عدد الأفلام فى السنة قليل جدًا، فـ إنك يظهر لك فيلم دى حاجة تخليك نجم كبير بـ سهولة.
أحمد سعد زايد، ما أفتكرش إنى شفت له أو سمعت له كلام «متنازل» عن الجودة من أجل إثارة الجدل، لكن فى الوقت نفسه قادر يتفاعل مع جميع المستويات دون أن يخسر وزنه.
سنوات وسنوات وسنوات ولـ حد دلوقتى، ما زال خالد بـ يبحث عن الوثائق دى فى دار الكتب وأى مكان ممكن يكون فيه أرشيف، وهو اللى علمنا الفروق بين الصحف، بـ التالى اختصر علينا وقت طويل فى البحث.
أهمية تجربة شريف عرفة تتجاوز ما يكتبه لـ تقديم نموذج عملى فى واحد ابن حلال، تعامل بـ احترافية مع حذر الناس من ولاد الحرام، وقدم لهم ما يفيدهم- يساعدهم- يقدم لهم خدمة.
كان مكاوى مقيمًا بـ شكل دائم فى «زهرة البستان»، وكان لقاؤه دومًا وعد بـ فاصل زمنى قصر أو طال مفيهوش غير كلام فى الأدب والفن وعن القاهرة وشوارعها ووسط البلد وتاريخه، ونقاشات جادة مليئة بـ الابتسامات، وبس. بعدها كل واحد يروح لـ حاله، وهذا أمر، لو تعلمون، مريح.
مرات قليلة جدًا اللى قابلت فيها عبدالرحمن الأبنودى، أو اتكلمنا فى التليفون، ودا له أسباب كتيرة أهمها حرصى على عدم الاقتراب. كل ما أحب الكاتب- المبدع- الفنان أكتر، بـ أتمنى إنى ما أعرفوش شخصيًا علشان الصورة اللى راسمها له ما تنخدش.
أحمد شاهين ملحن. ومش عايز أحط صفة من نوعية ملحن عظيم، ملحن رائع، ملحن مدهش... إلخ، هو ملحن ودى لـ وحدها حاجة كبيرة جدًا، وخلينى أقول لـ حضرتك مفهومى لـ الملحن، وليه بقى شىء كبير إنك تصف حد بـ هذا الوصف.
فى صباى كنت أتصور إنه ما ينفعش يبقى فيه كاتب عنده سعة اطلاع فى مجالات مختلفة، ويقدر يدى إضافة فيها جميعًا. آه يعنى ممكن تتابع، ممكن تشجع، ممكن عندك تصورات عامة، إنما الكتابة اللى فيها إضافة شىء تانى، وما كنتش متخيل إنه ينفع، بس الدكتور ياسر أثبت إنه ينفع، صحيح يتطلب جهد كبير وشخصية خاصة، لكن ينفع.
داوود راجل عايش لـ البنى آدم اللى جواه، تفاعل، وقدم وأنتج، واعترض ووافق وراح وجه، إنما المهم إنك فى كل دا بـ تشوف «الإنسان»، الإنسان اللى ما يهموش إنه يقدم حاجة مهمة، قد ما يهمه يقدم نفسه، فـ تطلع كل حاجة بـ يقدمها، مهمة.
كان اسم عصام زكريا وعد بـ إنك هـ تقرا حاجة ينفع تطرحها لـ النقاش مع أصدقائك، ودا كان معيار مهم لـ تفضيلى كاتب عن آخر، وشاعر عمن سواه، القدرة على إنتاج حاجة تستدعى إنه يكون لها ما بعدها، مش حاجة تخلص مع الانتهاء من قراءة آخر كلمة.
حساس محمد على، كـ مخرج وكـ إنسان وكـ قارئ بـ يسعى لـ تحصيل معرفة فعلية، مش زى كتير من قراء الكتب يهمهم فى المقام الأول الحصول على سمعة كـ مثقفين أو مهمين أو عندهم وعى هـ يفرتك دماغهم، لـ درجة إنه كتير من الناس بـ يندهشوا من حجم قراياته وتنوعها.
فيه مستوى مهنى، كـ منتج وكـ مخرج منفذ أو كما أحب أن أسميه «الصانع»، ودا فيه كلام كتير، لكن أفضل تأجيله حاليًا، وأفرد المساحة دى لـ الحديث عن صفى الدين محمود من حيث العقلية.
عرفت الدكتور هيثم الحاج على أثناء فترة توليه الهيئة العامة لـ الكتاب، وقت ما كان لى الشرف إن الهيئة تطبع لى كتاب «الدورى المصرى» بـ دعوة لطيفة منه، وأثناء التحضير لـ الكتاب تقاطعت إلى حد كبير مع طريقة شغله، وشخصيته، وهو من اللى يطمنوك إنه الدنيا فيها ناس تسعد وتفيد.
الموضوعية محتاجة حس إنسانى عالى، ودا مش كتير بـ ألاقيه متوفر، وفى حدود ما اختبرته من حسام السكرى فـ هو أحد هؤلاء القلائل اللى بحب أتتبع تجربته، وأحب جدًا أكون جزء منها، ولو إنه دا غالبًا مش متاح.
فيه ناس قابلتهم، مش بـ أعرف أقول اسم الواحد فيهم مجردًا كدا، لازم يسبقه لقب «الأستاذ» وهم بـ طبيعة الحال نادرين، ومنهم الأستاذ صلاح عيسى.
حاجات كتير من اللى قدمها خالد بعدين: أفكار ومواقف وكتابات وانحيازات، كانت مثيرة لـ الجدل والرفض، وكانت الاتهامات بـ تتوجه له أسرع من أى حد تانى، لكن رغم رفضى أحيانًا لـ بعض الحاجات دى كنت بـ أشوف عنده ذكاء كبير وجرأة أكبر، لـ ذلك كانت ثقتى فيه عالية، حتى إذا رفضت أحيانًا ما يقوله.
ما أعرفش إذا كان محمود عبدالرازق جمعة لسه بـ يستخدم اسم محمود الرخم ولا لأ، بس أنا أعرفه من ساعتها، وهو ما كانش لسه معروف زى دلوقتى، وكان الاسم دا يبدو كـ إيفيه أو ألشة، إنما ملحوظتى الأولى كانت إنه هذا الاسم له دلالة، بل دلالات.
فى هذا العالم المجنون، الواحد بـ يلاقى نفسه منزعج كتير من هذا، وبـ أدعى ربنا كل يوم إنى ما أكونش واحد من هؤلاء، لكن الأهم هو حرصى الشديد وتقديرى ومحبتى لـ الأشخاص غير المدعين، أو خلينا نقول الادعاء عندهم فى درجاته الأدنى، ومن هؤلاء محمد فرج الكاتب السكندرى الفايز بـ جايزة ساويرس لـ القصة ٢٠٢١ عن مجموعة «خطط طويلة الأجل».
البحراوى كان أستاذ اللغة العربية فى كلية الآداب جامعة القاهرة، فـ هو أستاذى اللى تتلمذت على إيديه مباشرة لـ فترة، وكان ناقد وله منتج أدبى، وكل دا مهما اختلفت معاه أو عليه فـ هو أثرى المكتبة العربية.
يمكن من وأنا فى الإعدادية، كان واحد من أحلامى العريضة هو إنى أكبر وألاقى شريكة حياة تشبه عبلة الروينى، فى نظرى كانت هذه السيدة هى النموذج.
رحلة سامح سعد العلمية كانت من الاتساع بـ حيث إنها غطت البيولوجى والفيزيا والكيميا بـ مقدار شاسع والعمود الفقرى ليها هو الحياة.
جمال العاصى هو صحفى، واحد من شيوخ المهنة وكباراتها، لكن لما تيجى السيرة ما تعرفش إحنا بـ نتكلم عن صحفى رياضة «كورة يعنى» ولا صانع صحف، ولا شخصية عامة ولا شيخ عرب، ولا مسئول، والواقع إنه كان كل دا وأكتر.
لو كنت عرفت الطحان فى التسعينيات، كان هـ يبقى صديقى المقرب، لـ إنه فى آخر تلاتين أربعين سنة، الطحان هو شاعر نموذجى، حسب مفاهيمى لـ الشعر وعناصره.
قال لى: إيه رأيك تشارك معايا فى تحقيق ديوان ابن الفارض؟ العرض كان مدهش بـ النسبة لى، ما كانش فيه بينا علاقة مباشرة أو حتى كلام متبادل كتير، أنا أعرف إنه هو جوزيبى سكاتولين، مستشرق إيطالى، وراهب كاثوليكى، ومهتم بـ دراسة اللغة العربية والتصوف، هو مشهور جدًا فى الأوساط الأكاديمية الأدبية على مستوى العالم،
اللى أعرفه كويس إنه سامح سعد تقدر تقول متصوف فى العلم، المتصوف دايمًا مشغول بـ«الوصول»، الوصول إلى الحق والحقيقة اللى بـ يؤمن بـ وجودهم، وعارف إنه السبيل اللى بـ يسلكه لهم صعب، ويكاد يكون الوصول مستحيل، مع ذلك هو لا يستطيع التوقف عن السلوك.
سعيد كاتب، بـ يتكلم فى «وعن» كرة القدم، والواقع إنه المساحة دى عندنا بـ عافية شويتين تلاتة أربعة، الكورة بـ طبيعتها نشاط شعبوى يتغذى على المكايدة والتعصب والمناكفة بين ذوى الانتماءات المختلفة، لـ ذلك صعب جدًا تلاقى حد مهتم بيها وعنده مساحة من العقل فضلًا عن الثقافة والفكر.
دكتور أحمد محمود تخصص فى مجال ما كانش فيه وقتها اهتمام كبير بيه، وهو الإخراج الصحفى، يعنى الشكل اللى بـ تصدر فيه الجريدة، و«رسم» الصفحة وتوزيع الصور فيها، واختيار الفونت المكتوب بيه الكلام، وحجم المادة الصحفية، وأنماط المانشيتات، وكل هاتيك الأمور.
مهنة الصحافة فى مصر عرفت ديسكاوية معلمين وأسطوات صنعة سابوا بصمة فى كل مكان راحوه، وفى الصف الأول من هؤلاء أكرم القصاص، الأستاذ أكرم القصاص.
كون هشام الخشن مش جى من عبّ دوائر المثقفين التقليديين، كان مفيد جدًا سواء فى اكتساب ذائقة متفردة، أو عدم الانشغال بـ موضوعات ربما يكون الزمن تجاوزها، لكن كمان كان مهم فى اختيار الموضوعات اللى ما اعتدناش على طرحها فى روايات وقصص قصيرة
فيه اختيارات تبدو لـ الجنون أقرب، ثم تيجى تدقق فيها تلاقيها «عين العقل»، بل لا يتغير شكل الدنيا لو لم يكن هذا الاختيار. إحنا قدام شاب، مولود فى أمريكا، دارس فن فى فرنسا، وفى فرنسا أيضًا اشتغل مسرح ثم رجع مصر أوائل التمانينات، يشوف السينما والمسرح هنا عاملين إزاى؟ وممكن يساهم فيهم على أى نحو، وبـ الطبع
صبرى فواز ممثل كبير، لـ إنه مشخصاتى، التمثيل له أبواب كتير، وما تقدرش تحجر على أى حد دخله من أى باب، لكن كمان ما تقدرش تمنع نفسك من الانحياز لـ اللى دخله من باب «الشخصية»، هـ تعملها إزاى، دا موضوع تانى، إنما الأساس فى الشغلانة إنك مش بـ تقدم نفسك، ولا ريآكشنز بتاعتك إنت، ولا كل مرة هـ أشوفك، إنما إنت
حاتم دكتور، عنده دكتوراه فى فلسفة الفنون، ومدرس بـ المعهد العالى لـ الفنون المسرحية، وله تجارب فى الكتابة، وناقد قدير، يعنى مش كل ميزته إنه رجل طيب، لأ، عنده إنتاج هائل، وكتب مجموعات قصصية بديعة، وله منهج فى الكتابة والإبداع والتفكير، ومعرفة عظيمة بـ دقائق اللغة، وكنت أتمنى أقرأ له أضعاف ما كتب.
فيه حاجات كتير بـ تحصل، هى مهمة جدًا، لكنها مش واضحة، مش بـ أقول لك أهميتها مش واضحة، تؤ، هى نفسها مش ملحوظة، وخلينى هنا أكلمك عن درويش الأسيوطى. دلوقتى، طفل أو صبى فى المدرسة الإعدادية، اللى هو أنا، عايش فى حارة جوه حارة من مدينة فى صعيد مصر، وأصلًا جى من قرية فى حضن الجبل، حتى أهل المدينة ما يعرفوش
يظن الكثيرون إنه الجدية فضيلة «شخصية»، يعنى انطلاقها بـ يكون من دوافع تخص الشخص، ومردوها بـ يكون عائد على الشخص، والمجتمع مالوش علاقة بـ القصة دى، والكلام دا بـ تلخصه ما نعلمه لـ أطفالنا دائمًا بـ عبارة أو بـ أخرى: من جد وجد. إنما مفهومى الشخصى لـ الجدية غير كدا، بـ أعتبر الجدية هو نوع من الوعى، أساس
يعنى إيه رجل دولة؟ يعنى على أبوشادى. كان لى حظ الاقتراب من الأستاذ على أبوشادى فى أواخر سنين حياته، ونتشارك بعض الأنشطة والفعاليات مش موضوعنا دلوقتى، وبعيدًا عن سماته الشخصية الحميدة، وإنى ما شفتش منه حاجة سلبية، فـ اللى لفت انتباهى هو إنه ساعدنى أفهم يعنى إيه رجل دولة؟ الموضوع مالوش علاقة بـ نظام حكم
كان عندى ١٩ سنة، وكان هو أستاذ قد الدنيا فى الجامعة، وطلبت أقابله علشان أناقشه فى موضوع، كنت لسه ساذج والدنيا واخدانى، ومش فاهم أبعاد الحياة، والحماس ضارب فى العروق، وكنت غضبان منه جدًا، لـ درجة إنى قررت أتصل بيه وأطلب اللقاء. الغريبة إنه رحب تمامًا، ودعانى لـ بيته، وسمعنى بـ كل اهتمام وتركيز، كنت ساعتها
