روحك دخلت روحى
وفى ثانية
لقيتك
تمثال
واقف قدامى
بأناملى
بتحسس فيك جمال الخالق فى تكوينك
كل حدودك
تفاصيلك
أصل انت روحك دخلتنى
وساعتها
معرفتش
من فينا قلبه
من فينا عقله
الداخل فى التانى
من فينا دمه
اللى بيجرى
أنهار بتغمر
فى مشاعره
من أعلى جبال
أنا توهت جواكى خالص
ساعتها ماعرفتش
إحنا اتنين
أم واحد
انزعنى
من جوه ملامحى
افلتنى
فوخذت نفسى
بالصدمة
لا رجع نفسى
من تانى
أن افصل جسدك من جسدى
أن اخلع قلبك من قلبى
أن انزع روحك من روحى
ارتد للبؤرة الأرضية
اتأكد
بقينا اتنين
مش واحد
اعذرنى انى
رجعتك
أنا خفت
إنك تلبسنى
وأبقى المجنون الهايم
فى أقل من ثانية
أنا كنت مسافر وياك
عصفور
قاطع أميال.
وروايحك
بتحوم حواليا
منثورة
ورود ...
وريحتها
تفوح ياسمين
لخبطنى
كلك على بعضك
معرفتش
من فينا المجنى
ومن فينا
أصلًا الجانى
