مؤمن المحمدى
السويسرى الثائر
نينيه عرف أحمد عرابى، وقرب منه، والأهم إنه شاركه ثورته، وهو اللى كتب البيان الأول اللى أشعل الثورة العرابية، كان مر على وجوده فى مصر ٤٣ سنة، يعنى تقدر تقول بقى مصرى، وبعد هزيمة الثورة قرر الإنجليز يحاكموه، لكنهم ما قدروش يقبضوا عليه، ضرب وثائق سفر بـ اسم تانى، وقدر يخلع. بعدها، قرر نينيه إنه يتفرغ لـ تسجيل تجربته مع عرابى، ويسجل التجربة كلها فى كتاب سماه «عرابى باشا».
